Ақтөбе ферроқорытпа зауыты № 44 пешті жаңғыртуды сәтті жүргізді.

Газ тазалау жүйесін жаңарту және сенімділігін арттыру негізгі міндет болды. Жаңғыртуға салынған инвестиция 700 миллион теңгеден асты.

Кәсіпорын мамандары газ тазарту су жапқыштарының жүйесін толығымен жаңартты. Ескі жабдықты сәтті ауыстыру қолданыстағы өндірістің қысылтаяң жағдайларына қарамастан, ескі тораптарды ұқыпты және зақымдамай бөлшектеуге және жаңаларын орнатуға мүмкіндік беретін дарарельстің арнайы жүйесін жобалау және дәнекерлеудің арқасында мүмкін болды. Зауыт жөндеушілерінің бұл шешімі пешті уақытында жөндеуді аяқтауға және қосымша тоқтап қалуды болдырмауға көмектесті.

Құбырларды ауыстыру және газ тазалау жұмыстары оны сумен қамтамасыз етуге сенімділікті одан әрі арттырады. Ескірген металл күреқұбырлар қажалып тозуға төзімді тот баспайтын болаттан жасалған заманауи күреқұбырлармен ауыстырылды.

Сондай-ақ, зауыт инженерлері пеш шанаптарын жаңғырту бойынша инновациялық жобаны іске асырды, бұл шикізат берудегі ықтимал іркілістер кезінде пеш жұмысының дербестігін арттырды. Сондай-ақ, 35 кВт қуат беретін желілерде электрмен жабдықтау жүйесі жетілдірілді.

Барлық жұмыстар қауіпсіздік пен экологияның талаптарын қатаң түрде ескере отырып, сондай-ақ зауыттың жалпы тиімділігін арттыру мақсатында орындалды. Зауыт командасы алған тәжірибе жөндеудің маңызды бөлігі болды, яғни болашақта осындай жұмыстарды одан әрі тиімді жүргізуге мүмкіндік береді.

- № 44 пештің жөнделуі біздің өндірістік процестердің сенімділігін арттыруға деген ниетімізді растайды. № 44 пешті жаңғырту - бұл жай ғана жөндеу емес, ең қатаң экологиялық стандарттарды сақтай отырып, біздің өнімнің әлемдік нарықтағы бәсекеге қабілеттілігін арттырудағы стратегиялық қадам, - деп атап өтті Ақтөбе ферроқорытпа зауытының техникалық қызмет көрсету және жөндеу жөніндегі директоры Дмитрий Мочалин.