Ақтөбе ферроқорытпа зауытында жөндеу жұмыстары цифрландырылуда

Ақтөбе ферроқорытпа зауытында пештерді тоқтатып жөндеуді дайындау және жүргізу кезінде қолданылатын Data Briz цифрлық платформасы енгізілді. Бұл өндіріс деректерін жинауға, сақтауға және талдауға арналған цифрлық платформа. Жүйе әртүрлі көздерден алынған ақпаратты біріктіреді және тоқтатып жөндеу процестерін жоспарлау, бақылау және басқару үшін бірыңғай цифрлық ортаны қалыптастырады. Бұл мамандарға жөндеу жұмыстарының кешенді көрінісін алуға, негізгі көрсеткіштерді бақылауға және басқару шешімдерін жедел қабылдауға мүмкіндік береді.

- Жүйе нақты жоспарлауға, ықтимал тәуекелдерді алдын-ала анықтауға және кестеден ауытқу ықтималдығын азайтуға көмектеседі. Сонымен қатар, цифрлық құрал ресурстарды тиімді пайдалануға, бақылауды күшейтуге және жөндеу процестерін басқарудың ашықтығын арттыруға мүмкіндік береді, - деп атап өтті Ақтөбе ферроқорытпа зауытының техникалық қызмет көрсету және жөндеу жөніндегі директоры Серик Сагитов.

Платформаның аналитикалық мүмкіндіктері мамандарға объективті өндірістік мәліметтер негізінде шешім қабылдауға мүмкіндік береді. Бұл, әсіресе, көптеген жабдықтарды басқару кезінде және жөндеу жұмыстарын жүргізуге бөлінген шектеулі ресурстар жағдайында.

Жаңа қосымшаны енгізу жөндеу жұмыстарын жоспарлау және жүргізу процесін тиімдірек және ашық етеді. Бұл тәсіл ықтимал шығындарды уақтылы анықтауға және жоюға, сондай-ақ кейінгі ұқсас жөндеулердің тиімділігін арттыруға мүмкіндік береді.